کشمیر بھارت کا حصہ،پاکستان اس کے خواب دیکھنا چھوڑ دے، سشما سوراج

نیویارک(قدرت روزنامہ 27ستمبر  2016)بھارتی وزیر خارجہ سشما سوراج نے اقوام متحدہ کی جنرل اسمبلی سے خطاب میں پاکستان کے خلاف ایک بار پھر ہرزہ سرائی کرتے ہوئے کہا ہے کہ پاکستان بتائے بلوچستان میں کیا ہورہا ہے،جن کے شیشے کے گھر ہوں ان کو کسی کو پتھر نہیں مارنے چاہئیں،ہمارے پاس حملہ آور بہادر زندہ ثبوت ہے جو سرحد پار سے آیا،کشمیر بھارت کا حصہ اس کا خواب دیکھنا چھوڑدیں،جموں اینڈ کشمیر بھارت کا حصہ تھا حصہ رہے گا۔ بھارتی ٹی وی این ڈی ٹی وی کے مطابق انہوں نے کہا ہے کہ بھارت کا سب سے بڑا مسئلہ غربت ہے،اڑی میں دہشگردوں نے حملہ کرکے معصوموں کا خون کیا ہے،پوری دنیا میں دہشتگردی کے واقعات سے ثابت ہوتا ہے کہ ہم اسے روکنے میں ناکام ہورہے ہیں،ان کو پناہ دینے والے کون ہیں؟نہ ان کا بینک ہے،نہ اسلحہ فیکٹریاں ہیں تو کون ہے وہ جو ان کو پیسہ،اسلحہ فراہم کررہے ہیں؟ ہم سب کو دہشتگردی کے خلاف اکٹھا ہونا ہوگا،جو سرپرستی کررہے ہیں وہ اس کی سزا بھگت رہا ہے،جو ملک اس دہشتگردی کے خلاف کارروائی نہیں کررہا ہے تو ان کو الگ کردیا جائے،انہوں نے کہا کہ پاکستان کے وزیر اعظم نے جن شرطوں کی بات کررہے ہیں وہ بتایا جائے کیا شرط ہے! یہ کون سی شرطوں کی بات ہورہی ہے؟ پاکستان بتائے بلوچستان میں کیا ہورہا ہے،جن کے شیشے کے گھر ہوں ان کو کسی کو پتھر نہیں مارنے چاہئیں،ہمارے پاس حملہ آور بہادر زندہ ثبوت ہے جو سرحد پار سے آیا،کشمیر بھارت کا حصہ اس کا خواب دیکھنا چھوڑدیں،جموں اینڈ کشمیر پاکستان کا حصہ تھا حصہ رہے گا۔