واشنگٹن: امریکی شہرپورٹ لینڈ میں باحجاب مسلم خواتین کے ساتھ بدتمیزی روکنے پر حملہ آور نے خنجر سے دو افراد کو قتل جبکہ ایک کو زخمی کردیا۔
امریکی میڈیا کے مطابق ملزم کی شناخت جوزف کے نام سے ہوئی ہے جو مسلم مخالف جذبات رکھتا ہے، قتل سے قبل ملزم ٹرین اسٹیشن پر مسلمانوں کے خلاف گفتگو کررہا ہے۔
غیر ملکی خبر رساں ادارے کے مطابق ایکسپریس ٹرین میں دو مسلم خواتین سوار تھیں جن میں سے ایک نے حجاب پہن رکھا تھا، اسٹیشن سے باہر نکلتے ہی ملزم کی نظر خواتین پر پڑی تو اُس نے اسلام کے خلاف زہر اگلنا شروع کردیا۔
اس موقع پر تین افراد نے جب انتہاء پسند جوزف نامی شخص کو روکنے کی کوشش کی تو اُس نے خنجر نکال پر حملہ کردیا جس کے بعد تینوں افراد شدید زخمی ہوگئے۔
خنجر حملے کا نشانہ بننے والے افراد کو جب اسپتال پہنچایا گیا تو اُن میں سے دو افراد دم توڑ گئے تاہم ایک زخمی کو معمولی چوڑیں آئی ہیں، حملہ آور جائے وقوعہ سے فرار ہوا تاہم پولیس نے سی سی ٹی وی کی مدد سے اُسے گرفتار کرلیا۔
مقامی پولیس نے سوشل میڈیا پر حملہ گرفتار حملہ آور کی تصویر بھی جاری کردی ہے۔
Please follow and like us:
Comments
comments
