کرائم کا خاتمہ پولیس کا اولین فرض ہے پولیس سماج دشمن عناصر کے خلاف کڑی کاروائی کرے ۔ عوام الناس کے جان ومال کو نقصان پہنچانے والے مفرور ملزم کسی رعائت کے مستحق نہیں اور ان کو ہرصورت میں گرفتارکرکے قانون کے کٹہرے میں کھڑا کریں اور ان سے عوام کا لوٹا ہوا مال برآمد کرکے حقداران کو واپس کریں تاکہ عوام الناس کے دل میں محکمہ پولیس کی عزت میں اضافہ ہو یہ بات ریجنل پولیس آفیسر احسان صادق نے ریجن کے ڈسٹرکٹ پولیس آفیسرز سے میٹنگ کرتے ہوئے کیا انہوں نے مزید کہا کہ کسی وقوعہ کے سرزد ہونے کی صورت میں فوری طورپرمقدمہ درج کریں انہوں نے کہا کہ اگر انکے ملاحظہ میں یہ بات آئی کہ کسی وقوعہ ہونے کی صورت میں مقدمہ درج نہ کیاتو ذمہ داران کے خلاف سخت محکمانہ کاروائی کی جائے گی۔بعد ازاں آرپی او کو بتایا گیا کہ بھاول پور ریجن میں گزشتہ 4ماہ میں 3332 سنگین مقدمات درج رجسٹر ہوئے ۔جو کہ ٓپچھلے سال کے چارماہ کی نسبت1104 کم ہیں ۔ او ر ان میں ملوث9759 ملزمان میں سے 4152ملزمان گرفتار کر کے چالان عدالت کئے جا چکے ہیں جبکہ 677مقدمات جھوٹے ہونے کی بناء پر خارج ہو چکے ہیں قتل کے 115مقدمات میں ملوث 451ملزمان میں سے 181ملزمان گرفتار ، جبکہ 6مقدمات جھوٹے ہونے کی بناء پر خارج ہوچکے ہیں ۔ اقدام قتل کے 116مقدمات میں ملوث 498ملزمان میں سے 219ملزمان گرفتار جبکہ 9مقدمات جھوٹے ہونے کی بناء پر خارج ہوچکے ہیں ۔ اسی طرح ضرر کے 393مقدمات میں سے 22مقدمات جھوٹے ہونے کی بناء پر خارج جبکہ ان مقدمات میں ملوث 1731ملزمان میں سے 1116ملزمان گرفتار کئے جا چکے ہیں ۔ اغواء کے 434مقدمات درج رجسٹر ہوئے۔ جن میں سے 175مقدمات خارج ملوث1035ملزمان میں سے 393ملزمان گرفتار کئے جاچکے ہیں ۔ اغواء برائے تاوان کے3 مقدمات درج رجسٹر ہوئے۔جس میں ملوث 10 ملزمان میں سے 1 ملزم گرفتار جبکہ دو ملزمان پولیس مقابلہ میں ہلاک اور مغوی برآمد ہوچکا ہے۔زناء کے 129مقدمات درج رجسٹر ،جن میں سے 29مقدمات جھوٹے ہونے کی بناء پر خارج اور 224ملوث ملزمان میں سے 109ملزمان گرفتار کر کے چالان عدالت کئے جاچکے ہیں ۔اسی طرح گینگ ریپ کے 2مقدمات درج رجسٹر کر کے ملوث 7ملزمان میں سے 4کوگرفتار کر کے دونوں مقدمات کو چالان کیا جا چکا ہے ۔ناجائز اسلحہ کے خلاف کریک ڈاون کرتے ہوئے ریجن پولیس نے 789مقدمات درج رجسٹر کرکے794ملزمان کو گرفتار کر کے اُن کے قبضہ سے سات گرنیڈ، 27کلاشنکوف، 42رائفل ، 120بندوق بارہ بور، 484ریوالور/پسٹل ، 101کاربین ،20چاقو اسلحہ ناجائز برآمد کیا ۔ منشیات فروشوں کے خلاف کاروائی کرتے ہوئے 1174مقدمات درج رجسٹر کئے اور1264ملوث ملزمان میں سے 1233ملزمان گرفتار کر کے انکے قبضہ سے 4کلو گرام افیون ، 165کلو چرس ،500گرام ہیروئن، 20122بوتل شراب ، 13034لیٹر لہن،250کلو بھنگ ، 134چالو بھٹیاں قبضہ پویس میں لی گئیں اسکے علاوعہ 146شرابی گرفتار کئے گئے ۔جرائم پیشہ عناصر کے خلاف کریک ڈاون کرتے ہوئے ڈکیتی ، راہزنی،وغیرہ کی مختلف وراداتوں میں ملوث35مختلف گینگز کو ختم کر کے اُن کے 133ملزمان کو گرفتار کیا،جن سے 104پرانے اور 101نئے مقدمات ٹریس ہوئے ۔ ان گینگز سے 33ملین روپے مالیت کا مال مسروقہ برآمد کیا جا چکا ہے اور اُن کے خلاف 205مقدمات درج رجسٹر کئے گئے ہیں ۔سال 2015کے پہلے چار ماہ میں ریجن بھر میں 10پولیس مقابلے ہوئے جن میں 30جرائم پیشہ افراد ہلاک ہوئے۔ اشتہاریوں کے خلاف کریک ڈاؤن کرتے ہوئے ریجن پولیس نے پہلے چار ماہ میں اے و بی کیٹگری کے9100اشتہاریوں میں سے 4478اشتہاریوں اور سنگین جرائم میں ملوث1878اشتہاری ملزمان میں سے 878انتہائی خطرناک ملزمان کو گرفتار کرکے چالان عدالت کیا۔
